Author: हाम्राे हेडलाइन

काठमाडौं । प्रधानमन्त्री केपी शर्मा ओली र कांग्रेस सभापति शेरबहादुर देउवाबीच भेटवार्ता भएको छ । प्रधानमन्त्रीको सरकारी निवास बालुवाटारमा दुई नेताबीच आज एक घण्टा लामो भेटवार्ता भएको एमाले नेता डा. राजन भट्टराईले जानकारी दिए । उनका अनुसार दुई नेताबीच सरकारलाई प्रभावकारी बनाउने विषयमा छलफल भएको छ । दुई नेताबीच एक ढिक्का भएर अघि बढ्ने समझदारी भएको छ । पछिल्लो समय विपक्षी दलका नेता पुष्पकमल दाहालले नयाँ वर्षमा नयाँ सरकार बन्ने दाबी गरेपछि राष्ट्रिय राजनीति तरंगित बनेको छ ।

काठमाडौं । नेपाल विद्युत् प्राधिकरणले हावाहुरी तथा मौसमका कारणले छोटो समय बिजुली गएकोलाई लोडसेडिङ भन्न नमिल्ने दाबी गरेको छ। प्राधिकरणले विज्ञप्ति जारी गर्दै हावाहुरी तथा मौसमी कारणले हुने अवरोधलाई लोडसेडिङ भनेर सामाजिक सञ्जालमा अतिरञ्जित र भ्रामक समाचार फैलाइएको बताएको छ। ‘देशका विभिन्न क्षेत्रमा आएको हावाहुरी तथा प्रि–मनसुनका कारण सिर्जना भएको प्रतिकूल मौसमले छोटो समय विद्युत् सेवा अवरुद्ध हुन जाने सन्दर्भमा लोडसेडिङ भएको भनी अतिरञ्जित र भ्रामक भनाइ सामाजिक सञ्जालमा व्यक्त हुँदै आएकोप्रति गम्भीर ध्यानाकर्षण भएको छ,’ विज्ञप्तिमा भनिएको छ। अवरुद्ध भएका ठाउँमा विद्युत सञ्चालन गर्न देशभरका वितरण केन्द्रबाट दिनरात काम भइरहेको र अधिकांश ठाउँमा आपूति भइसकेको प्राधिकरणको सूचनमा उल्लेख छ।…

काठमाडौं । त्रिभुवन विश्वविद्यालयको ट्रान्सक्रिप्ट र प्रोभिजनल प्रमाणपत्रका लागि अब परीक्षा नियन्त्रण कार्यालयमा भौतिकरुपमा उपस्थित हुनैपर्ने बाध्यता हटेको छ । परीक्षा नियन्त्रक पुष्पराज जोशीका अनुसार आज बिहान ११ बजेदेखि अनलाइन सेवा सुरु गरिएको हो । अनलाइन सेवा सुरु भएपछि परीक्षा नियन्त्रण कार्यालय बल्खु पुगेर अब कागजी फारम भर्ने र त्यो बुझाउन लाइन लाग्नुपर्ने झन्झटबाट मुक्ति मिल्ने छ । ‘आज २०८२ वैशाख २ गते बिहान ११ बजेदेखि त्रिभुवन विश्वविद्यालयले ट्रान्सक्रिप्ट र प्रोभिजनल प्रमाणपत्रका लागि अनलाइनबाट आवेदन सञ्चालन गरेको छ,’ सूचनामा भनिएको छ, ‘हालका लागि भुक्तानी कनेक्ट आइपीएसबाट गर्न सकिनेछ र क्रमशः अन्य भुक्तानी गेटवेहरू समेत समावेश गर्दै जाने जानकारी त्रिभुवन विश्वविद्यालयले…

काठमाडौं । नेकपा एमालेले कम्युनिस्ट आन्दोलनमा योगदान गर्ने ७ जनालाई ‘कम्युनिस्ट योद्धा’ का रूपमा सम्मानित गर्ने भएको छ । सोमबार बसेको पार्टीको सचिवालय बैठकले यो निर्णय गरेको हो । उपमहासचिव प्रदीप ज्ञवालीले बैठकको निर्णय बारे जानकारी दिँदै भने, ‘यसपटकको पार्टी स्थापना दिवसमा विगत वर्षमा जस्तै कम्युनिस्ट आन्दोलनमा महत्त्वपूर्ण योगदान गर्ने विशिष्ट व्यक्ति कम्युनिस्ट योद्धाको रूपमा सम्मान गर्ने निर्णय गरेका छौँ ।’ ज्ञवालीका अनुसार लालबहादुर विश्वकर्मा (कञ्चनपुर), स्वर्गीय रत्न शर्मा न्यौपाने (जाजरकोट), शोभारम बस्नेत (दाङ), बासस्वती देवकोटा (गोरखा), शान्ता मानवी (काठमाडौँ), सत्य नारायण मण्डल (सप्तरी) र हरिचरण सिवाकोटी (झापा) लाई सम्मानित गरिनेछ ।

काठमाडौं । आजदेखि विक्रम संवत् २०८२ साल सुरु भएको छ । नयाँ वर्ष प्रारम्भ भएको पहिलो दिन आज नेपालमा र विदेशमा रहेका नेपालीहरुले हर्षोल्लासका साथ एक आपसमा शुभकामना आदानप्रदान गरी मनाइरहेका छन् । नयाँ वर्ष आरम्भका अवसरमा आज नेपालभरका सरकारी कार्यालय, सार्वजनिक संस्थान एवम् शिक्षण संस्थामा सार्वजनिक बिदा दिइएको छ । नयाँ वर्षको अवसरमा राष्ट्रपति रामचन्द्र पौडेल, उपराष्ट्रपति रामसहाय प्रसाद यादव, प्रधानमन्त्री केपी शर्मा ओली, प्रधानन्याधीश विश्वम्भर प्रसाद श्रेष्ठ, सभामुख देवराज घिमिरे, राष्ट्रिय सभा अध्यक्ष नारायण दाहाल, राजनीतिक दलका शीर्ष नेता लगायतले शुभकामना सन्देश दिँदै सबै नेपालीको उन्नती प्रगतिको कामना गरेका छन् । नयाँ वर्षमा सफलता मिल्ने शुभकामना एक अर्कामा…

काठमाडौं । राष्ट्रपति रामचन्द्र पौडेलले समृद्धिको बाटोमा बाधक बेथितिको अन्त्य, सुशासन प्रवर्द्धन र सेवा प्रवाहमा चुस्तता पहिलो आवश्यकता भएको बताएका छन्। नयाँ वर्ष २०८२ को शुभकामना सन्देशमा उनले जनताको चाहना पूरा गर्ने सङ्कल्प गर्न आग्रह गरे। ‘आज राष्ट्रको उन्नति र समृद्धिका लागि उत्साहका साथ जुट्न र साझा सङ्कल्प लिएर अघि बढ्न म सबैलाई अपिल गर्छु,’ उनले जारी गरेकाे शुभकामना सन्देशमा भनिएकाे छ। विक्रम संवत् प्राचीन हिन्दू परम्परा र वैदिक समयाङ्कनमा आधारित शौर्य संवत् हो। यो संवत्ले नेपालको सभ्यता, सामाजिक जीवन र परम्परालाई प्रतिनिधित्व गर्छ। यो गौरवमय विगत सम्झाउँदै उन्नत भविष्यतिर प्रेरित गर्ने विश्वास उनकाे छ। ‘नयाँ वर्षमा हामी विगतको समीक्षा…

काठमाडौं । प्रधानमन्त्री केपी शर्मा ओलीले देशलाई समृद्ध र जनतालाई सुखी बनाउने साझा गन्तव्य प्राप्त गर्न सबैमा सकारात्मक सोच, व्यवहार र आत्मबल आवश्यक भएको बताएका छन् । नयाँ वर्ष २०८२ का अवसरमा स्वदेश तथा विदेशमा रहेका नेपालीमा सबैको जीवनमा सुख, शान्ति, समृद्धि, प्रगति, सफलता र नयाँ उत्साह पैदा गरोस् भन्ने कामना गर्दै अनेकौं कठिनाइका बाबजुद हासिल गरेका उपलब्धिलाई आधार बनाएर हामी उज्यालो भविष्यतर्फ अगाडि बढ्न सफल हुने विश्वास उनले व्यक्त गरेका छन् । “नयाँ वर्षमा हामी नयाँ ऊर्जा नयाँ सङ्कल्प र नयाँ सम्भावनाको खोजी गछौँ । यस वर्षले हामी सबैमा आशा, उत्साह र सकारात्मक सोचको विकास गर्न प्रेरणा भर्ने छ…

काठमाडौं । लमजुङ एक महिलाको विभत्स हत्या भएको अवस्थामा शव फेला परेको छ । बेसीशहर नगरपालिका–२ स्थित अस्थायी प्रहरी बिट भकुण्डे नजिकै घर भएकी ४७ बर्षीया सीता कडेँलको शव भेटिएको हो । कडेँलको मृत्यु केही दिन अगाडि नै भएको हुनसक्ने प्रहरीको आशङ्का छ । स्थानीयका अनुसार कडेँल घरमा एक्लै बस्दै आएकी थिइन् । उनका छोरा बुहारी अष्ट्रेलिया छन् । लामो समयदेखी आमासँग सम्पर्क नभएपछि उनका छोरा अभिनास कडेँलले छिमेकीलाई फोन सम्पर्क गरेर आमाको अवस्थाबारे सोधपुछ गरेका थिए । खोजीको क्रममा घर वरपर शवको गन्ध आएपछि स्थानीयले आइतबार दिउँसो सवा २ बजेतिर प्रहरीलाई खबर गरेका थिए । घरको ताला फोड्दा ओच्छ्यानको…

काठमाडौं । पूर्वराजा ज्ञानेन्द्र शाहले चैत १५ गते तीनकुनेमा भएको जनधनको क्षतिबाट दुःखी भएको बताएका छन्। आइतबार नयाँ वर्ष २०८२ सालको शुभकामना सन्देश जारी गर्दै उनले उक्त घटनामा भएको मानवीय तथा भौतिक क्षतिबाट दुःखी भएको बताएका हुन्। ‘केही दिनअघि भएको जनप्रदर्शनमा हिंसा, आगजनी भयो त्यसबाट मानवीय एवम् भौतिक क्षति भयो त्यो सुन्दा हामीलाई अत्यन्तै दुःख लाग्यो’, शाहले शुभकामना सन्देश दिँदै भनेका छन्। शाहले नागरिक स्वतन्त्रताभन्दा ठूलो वाद नहुने पनि बताएका छन्। ‘नागरिक स्वतन्त्रता भन्दा ठूलो वाद हुँदैन। वास्तविक प्रजातन्त्र त्यहाँ हुन्छ जहाँ राम्रो–नराम्रो जनगुनासो वा राम्रो सुन्ने परम्परा र संस्कार हुन्छ।’

काठमाडौं । राष्ट्रिय स्वतन्त्र पार्टीका सभापति एवं गोर्खा मिडिया प्रालिका पूर्वप्रबन्ध निर्देशक रवि लामिछानेविरुद्ध दायर सहकारी ठगी तथा संगठित अपराध मुद्दासम्बन्धी रिटमा सर्वोच्च अदालतले कैफियत प्रतिवेदन माग गरेको छ। न्यायाधीश टेकप्रसाद ढुंगानाको एकल इजलासले आइतबार प्रारम्भिक सुनुवाइ गर्दै कैफियत प्रतिवेदन झिकाउन आदेश दिएको हो। सर्वोच्चको आदेश अनुसार अब जिल्ला अदालत रूपन्देहीबाट सुरु भई उच्च अदालत तुलसीपुरको आदेशसम्मका सबै कार्यवाही विवरण, फैसला र प्रक्रियासम्बन्धी कागजातहरू प्रतिवेदनका रूपमा पेश गर्नुपर्नेछ। कैफियत प्रतिवेदन भनेको कुनै पनि मुद्दाको संक्षिप्त विवरण हो, जसमा मुद्दा दर्ता भएको मिति, प्रारम्भिक आदेशहरू, थुनछेक बहस, धरौटी वा थुनाको आदेश, पुनरावलोकन वा पुनरावेदनको स्थिति, र अन्तिम निर्णयसम्मको प्रक्रिया उल्लेख गरिन्छ।…