मित्रमिलन सहकारी ठगी प्रकरणः पिएन क्याम्पसका सहप्राध्यापक भण्डारी पक्राउ

काठमाडौं । पोखराको मित्रमिलन सहकारीका ठगी आरोपी विष्णुप्रसाद भण्डारी पक्राउ परेका छन् । प्रहरीले उनलाई पक्राउ गरेर मंगलबार अदालतमा हाजिर गराएको छ । उनी विरुद्ध पक्राउ पुर्जी जारी भएको थियो । फरार भण्डारीलाई पक्राउ गरी अदालतमा उपस्थित गराइएको कास्की प्रहरी प्रवक्ता डीएसपी श्रवणकुमार विकले जानकारी दिए ।
भण्डारी पीएन क्याम्पसका सह प्राध्यापक समेत हुन् ।
सहकारीको ठगी आरोपमा ३३ जना विरुद्ध पक्राउ पुर्जी जारी भएको छ । ३१ करोड रुपैयाँ ठगी भएको अनुसन्धानबाट देखिएको थियो । २५ जना अझै फरार छन् ।