Author: हाम्राे हेडलाइन

काठमाडौं । प्रधानमन्त्री केपी शर्मा ओलीसँग स्वीटजरल्याण्डका सङ्घीय विदेशमन्त्री इग्नाजिओ डानियल जिओभान्नी क्यासिसले आज शिष्टाचार भेट गरेका छन् । प्रधानमन्त्री निवास, बालुुवाटारमा भएको भेटमा दुई देशबीचको मित्रवात सम्बन्धलाई अझ मजबुद बनाउँदै विकासका क्षेत्रमा सहकार्य जारी राख्ने विषयमा छलफल भएको थियो । मन्त्री क्यासिसले नेपालको विकास, सङ्घीयता सबलीकरण, संक्रमणकालीन न्याय, जलवायु परिवर्तन, विपद् जोखिम व्यवस्थापनका क्षेत्रमा आफ्नो सहयोग निरन्तर रहने बताए । प्रधानमन्त्री ओलीले नेपालमा लामो समय हिंसात्मक र अस्थिर राजनीति रहे पनि अहिले दुई ठुला दलको सहकार्यमा विकास, सुशासन र लोकतान्त्रिक प्रणालीको रक्षाको ध्येयसहित सरकार बनेकाले स्थितिमा क्रमिक सुधार आएको बताए । उनले नेपालको विकासमा स्वीस सरकारको निरन्तर सहयोगका लागि…

काठमाडौं । नेपाली महिला फुटबल टिमकी कप्तान सावित्रा भण्डारी ‘साम्बा’ले एएफसी महिला एसियन कप छनोटको फाइनल खेलमा उज्वेकिस्तानसँगको हार दुर्भाग्यपूर्ण भएको बताएकी छन्। एएफसी छनोट प्रतियोगिता सकेर स्वदेश फर्किएपछि त्रिभुवन अन्तर्राष्ट्रिय विमानस्थलमा सञ्चारकर्मीसँग बोल्दै उनले नेपाली टिमले बलियो प्रतिस्पर्धी उज्वेकिस्तानविरुद्ध उत्कृष्ट प्रदर्शन गरेको बताइन्। उनले भनिन्, “हामी ३–१ ले पछि परेका थियौं। त्यसपछि हामीले कमब्याक ग¥यौं र खेल ३–३ को स्थितिमा ल्यायौं। तर दुर्भाग्यवश, पेनाल्टी सुटआउटमा हार बेहोर्यौं। समग्रमा हेर्दा हाम्रो प्रदर्शन सकारात्मक रह्यो।” कप्तान सावित्राले टिमको समग्र प्रदर्शनबाट नेपाली महिला फुटबलको भविष्य उज्ज्वल देखिएको पनि बताइन्। साथै, उनले मुख्य प्रशिक्षक प्याट्रिक डे वाइल्डले टिमलाई सकारात्मक रूपमा प्रशिक्षण दिएको उल्लेख…

काठमाडौं । बेसीशहर नगरपालिकाले आर्थिक वर्ष २०८२/०८३ का लागि ७८ करोड ४८ लाख ७० हजार रुपैयाँको बजेट पारित गरेको छ। आइतबार सम्पन्न नगरसभाको १७ औँ अधिवेशनले नीति, कार्यक्रम र योजनासहितको बजेट सर्वसम्मत रूपमा स्वीकृत गरेको हो। नगरसभामा उपप्रमुख पद्मा गुरुङले चालु खर्चतर्फ ४७ करोड ९० लाख र पुँजीगत खर्चतर्फ ३० करोड ५८ लाख ७० हजार रुपैयाँ विनियोजन भएको बजेट प्रस्तुत गरिन्। बजेटमा राजस्वका विभिन्न स्रोतबाट २२ करोड ५९ लाख र अन्तरसरकारी वित्तीय हस्तान्तरणबाट ५५ करोड ८९ लाख ६९ हजार आय हुने अनुमान गरिएको छ। क्षेत्रगत बजेट विनियोजन आर्थिक विकास: २ करोड ८९ लाख ८० हजार सामाजिक विकास: ३ करोड ३९…

काठमाडौं ।  प्रधानमन्त्री केपी शर्मा ओलीले स्पेनको सेभियामा सम्पन्न संयुक्त राष्ट्रसङ्घको ‘विकासका लागि वित्त’ विषयक चौथो अन्तर्राष्ट्रिय सम्मेलनमा नेपालको सहभागिता र उपलब्धिबारे संसद्लाई जानकारी गराएका छन् । प्रतिनिधिसभाको आजको बैठकमा समय लिएर प्रधानमन्त्री ओलीले उक्त सम्मेलनले आर्थिक कूटनीतिका लागि विश्वस्तरमा नयाँ साझेदारी वृद्धि गर्दै दिगो विकास लक्ष्यपूर्तिमा थप गति दिन योगदान दिएको बताए । प्रधानमन्त्री ओलीले उक्त सम्मेलनपूर्व यही असार १४ गते प्रतिनिधिसभाको बैठकमा सम्मेलन र भ्रमणका कार्यसूचीबारे जानकारी गराउनुभएको थियो । सम्मेलनका लागि प्रधानमन्त्री ओलीले यही असार १४ गते त्यसतर्फ प्रस्थान गरी असार २० गते स्वदेश फर्किएका थिए । सम्मेलनमा प्रधानमन्त्री ओलीले अतिकमविकसित मुलुकका तर्फबाट अगुवाइ गर्दै सम्बोधनका क्रममा…

काठमाडौं । सार्वजनिक खरिद अनुगमन कार्यालयले एकैपटक चारवटा निर्माण तथा आपूर्ति कम्पनीलाई कालोसूचीमा राखेको छ। कार्यालयले ती कम्पनीलाई विभिन्न सरकारी निकायको सिफारिसका आधारमा १/१ वर्षको लागि कालोसूचीमा राखिएको जानकारी दिएको छ। कालोसूचीमा परेका कम्पनी र व्यक्तिहरू: थोमस कन्स्ट्रक्सन एन्ड सप्लायर्स प्रालि मुख्य व्यक्ति: मुन्नी कुमारी मेहता सिफारिस गर्ने निकाय: सहरी विकास तथा भवन कार्यालय, विराटनगर मोरङ डीजी इगल कन्स्ट्रक्सन एन्ड विल्डर्स प्रालि मुख्य व्यक्ति: रघुनाथ कुमार ठाकुर सिफारिस गर्ने निकाय: सडक डिभिजन, चन्द्रनिगाहपुर, रौतहट शिवम् कन्स्ट्रक्सन मुख्य व्यक्ति: राधेश्याम झा सिफारिस गर्ने निकाय: गौशाला नगरपालिका कार्यालय, महोत्तरी ग्रीन लिफ प्रालि मुख्य व्यक्ति: लुना खरेल सिफारिस गर्ने निकाय: बीपी कोइराला स्वास्थ्य…

काठमाडौं । त्रिभुवन विश्वविद्यालय उपकुलपति छनौट समितिले अब छिटै उपकुलपतिको टुंगो लगाउने भएको छ। शिक्षा, विज्ञान तथा प्रविधि मन्त्री रघुजी पन्तको संयोजकमा गठिन समितिले तीन जनाको नाम छनौट गरी तयारी पारेको छ। समितिले आइतबार साँझ बैठक बसी आवेदक १२ मध्ये तीन जनाको नाम टुंगो लगाएको हो। टुंगिएका नाम त्रिविको उपकुलपतिको सिफारिसका लागि समिति संयोजक एवं शिक्षा मन्त्री पन्तले विश्वविद्यालयको कुलपति एवं प्रधानमन्त्री केपी शर्मा ओलीलाई बुझाउने तयारी गरेका छन्। यस पटक उपकुलपति छनौटका लागि गत वर्षको झैं खुला आवेदन माग गरिएको थिएन। त्रिवि ऐन अनुसार शिक्षा मन्त्रीको संयोजकमा तीन सदस्य छनौट समिति गठन गरी उपकुलपति खोज्ने काम गरिएको थियो। निर्वतमान…

काठमाडौं । नेपाल चिकित्सक संघको आह्वानमा आज देशभरका अस्पताल तथा स्वास्थ्य संस्थामा आकस्मिकबाहेकका सम्पूर्ण सेवा बन्द गरिएको छ। उपभोक्ता अदालतले चिकित्सक तथा अस्पतालहरूलाई उपचारमा लापरबाहीको आरोपमा क्षतिपूर्ति तिराउने निर्णय गर्न थालेपछि चिकित्सकहरू आन्दोलित बनेका हुन्। सेवा बहिष्कारका कारण देशभरका सामान्य उपचार, चेकजाँच, शल्यक्रिया र ओपीडी सेवाहरू ठप्प हुँदा बिरामीहरू मर्कामा परेका छन्। विशेषगरी ग्रामीण क्षेत्र र सहरका सरकारी अस्पतालहरूमा उपचारको लाइनमा बसेका सर्वसाधारणले कठिनाइ झेलेका छन्। नेपाल चिकित्सक संघले अदालतका पछिल्ला फैसलालाई चिकित्सा पेशामाथिको प्रत्यक्ष दबाब र असुरक्षा ठहर गर्दै संवेदनशील विषयमा यथोचित न्यायिक विवेक नअपनाएको आरोप लगाएको छ। संघको आह्वानमा भएको यस आन्दोलनमा नौवटा ठूला स्वास्थ्य संस्थाले ऐक्यवद्धता जनाएका…

काठमाडौं । विज्ञापन बोर्डले विज्ञापन उत्पादन, वितरण, प्रकाशन तथा प्रसारण आचारसंहिता २०७९ को पूर्ण पालना गर्न सम्बद्ध पक्षहरूलाई आग्रह गर्दै उल्लंघन भए कारबाही गर्ने चेतावनी दिएको छ। बोर्डले पछिल्लो समय विज्ञापन व्यवसाय अपारदर्शी र गैरकानुनी रूपमा गरिएको गुनासो बढ्दै गएको उल्लेख गर्दै आचारसंहिताको उल्लंघन भएमा विज्ञापन (नियमन गर्ने) ऐन २०७६ को दफा २५ र आचारसंहिता २०७९ को दफा ३० बमोजिम कारबाही हुने स्पष्ट पारेको हो। बोर्डद्वारा सार्वजनिक विज्ञप्तिमा भनिएको छ,“विज्ञापन छापेको पृष्ठ वा अंक बजारमा नपठाउने, गायब गर्ने, निश्चित स्थानमा मात्र पठाई अन्यत्र जानबाट रोक लगाउने, वा मिति परिवर्तन गरी सूचना प्रकाशित गर्ने कार्य गैरकानुनी हो। यस्तो पाइएमा कडा कारबाही…

काठमाडौं । लमजुङ प्रहरीले प्रतिबन्धित लागुऔषधसहित तीन जना युवालाई सुन्दरबजारबाट पक्राउ गरेको छ। विशेष सुराकीका आधारमा खटिएको प्रहरी टोलीले सुन्दरबजारमा लागूऔषध खरिद–बिक्री गरिरहेको अवस्थामा उनीहरूलाई नियन्त्रणमा लिएको हो। पक्राउ पर्नेमा सुन्दरबजार–९ का २८ वर्षीय किसान गुरुङ, सोही वडाका रोशन गुरुङ र वडा नम्बर ६ का २० वर्षीय विशाल गुरुङ रहेका छन्। प्रहरीले उनीहरूको साथबाट ११० क्याप्सुल ट्रामाडोल, ७ ग्राम गाँजाजस्तो देखिने पदार्थ, र कारोबारमा प्रयोग भएको नगद २० हजार ११५ रुपैयाँ बरामद गरेको जनाएको छ। पक्राउ परेकाहरूलाई लागूऔषध नियन्त्रण सम्बन्धी मुद्दामा अनुसन्धान अगाडि बढाइएको लमजुङ जिल्ला प्रहरी कार्यालयले जनाएको छ।

काठमाडौं । प्रविधि ब्रान्ड नथिङको फ्ल्यागशिप स्मार्टफोन ‘नथिङ फोन (थ्री)’ को नेपालमा आधिकारिक प्रि-बुकिङ खुला भएको छ । नेपालका लागि आधिकारिक वितरक सीजी मोबाइलले विशेष अफरसहित १४ जुलाईसम्म प्रि-बुकिङ सुरु गरेको हो । कम्पनीले प्रि-बुकिङ गर्ने ग्राहकका लागि १९ हजार रुपैयाँसम्मको नगद छुटको व्यवस्था गरेको छ । साथै, पहिलो १०० जना प्रि-बुकिङ गर्ने ग्राहकले ९ हजार ४९९ रुपैयाँ मूल्य पर्ने ‘सीएमएफ बड्स प्रो टु’ इयरबड्स पनि निःशुल्क प्राप्त गर्नेछन् । यसरी ग्राहकले नगद छुट र उपहारसहित कुल २८ हजार ४९९ रुपैयाँसम्मको फाइदा लिन सक्ने कम्पनीले जनाएको छ ।