Author: हाम्राे हेडलाइन

काठमाडौं । विपक्षी दल राष्ट्रिय स्वतन्त्र पार्टी (रास्वपा) ले आज पनि संसदमा विरोध जनाएको छ । भिजिट भिसा प्रकरणमा गृहमन्त्री रमेश लेखकको राजीनामा माग गर्दै रास्वपाका सांसदहरुले विरोध जनाएका हुन् । यसअघि नाराबाजी गर्ने गरे पनि आज भने मौन रुपमा ‘वेल’ मा बसेर विरोध जनाएका हुन् । त्यसो त आजै आकस्मिक समयमा रास्वपाको तर्फबाट सांसद हरि ढकालले आफ्नो धारणा राख्दै आफूहरुको माग पूरा नभएसम्म निरन्तर आन्दोलन जारी रहने बताए ।

काठमाडौं । गण्डकी प्रदेशका सांसद दीपक मनाङे पदमुक्त भएका छन्। सर्वोच्च अदालतको संवैधानिक इजालसले उम्मेद्‌वार हुन समेत अयोग्य भएका उनी विवरण झुक्याएर सांसद भएको ठहर गरेको हो । प्रधानन्यायाधीश प्रकाशमान सिंह राउत, न्यायाधीशहरु सपना प्रधान मल्ल, कुमार रेग्मी, हरिप्रसाद फुयाल र कुमार चुडाल रहेको संवैधानिक इजलासले मनाङेको सांसद पद बदर भएको निर्णय गरेको हो। उनलाई सुरुको दिनदेखि नै लागू हुनेगरी पदमुक्त गर्न माग भएकोमा सर्वोच्च अदालतको संवैधानिक इजलासले फैसला भएको मिति (आज) बाट लागू हुनेगरी पदमुक्त हुने निर्णय सुनाएको हो । अधिवक्ता वीरेन्द्रराज कार्कीले २०७९ पुस १३ गते मनाङेको योग्यतामा प्रश्न उठाउँदै प्रदेश सभा सदस्यको उम्मेदवार बन्न नपाउने जिकिर गरी…

काठमाडौं । लमजुङ प्रहरीले राईनास नगरपालिकास्थित एक आश्रमको दान पेटिका फुटाएर रकम चोरी गरेको आरोपमा एक युवकलाई पक्राउ गरेको छ। चोरी भएको २४ घण्टा नबित्दै प्रहरीले उनलाई चोरीको रकमसहित पक्राउ गर्न सफल भएको हो। जिल्ला प्रहरी कार्यालय लमजुङका अनुसार पक्राउ पर्नेमा दोर्दी गाउँपालिका-३, श्रीमञ्ज्याङका २३ वर्षीय सोम बहादुर परियार रहेका छन्। उनलाई बुधबार सुन्दरबजार नगरपालिका-८ बाट चोरीको रकमसहित पक्राउ गरिएको हो। मंगलबार बिहान राईनास नगरपालिका-८ स्थित सर्वोदय सेवा आश्रममा राखिएका दुईवटा दान पेटिकाको ताला फोडेर त्यहाँ रहेको नगद चोरी भएको थियो। आश्रमले उजुरी गरेपछि प्रहरीले तत्काल अनुसन्धान सुरु गरेको थियो। पक्राउ परेका परियारलाई जिल्ला प्रहरी कार्यालयले बिहीबार लमजुङ जिल्ला अदालतमा…

काठमाडौं । काठमाडौं महानगरपालिकाका प्रहरी प्रमुख राजुनाथ पाण्डेको निलम्बन कार्यान्वयन नगर्न उच्च अदालत पाटनले अन्तरिम आदेश जारी गरेको छ । बिहीबार उच्चका न्यायाधीशद्वय ऋषि राजभण्डारी र डिल्लीरत्न पाण्डेको संयुक्त इजलासले पाण्डेको पक्षमा आदेश गर्दै प्रमुख प्रशासकीय अधिकृत सरोज गुरागाईंले गरेको निलम्बन कारबाही कार्यान्वयन नगर्न भनेको हो । प्रमुख प्रशासकीय अधिकृत गुरागाईँले पाण्डेलाई गत जेठ २० गते ६ महिनाका लागि निलम्बन गरेका थिए । उक्त निलम्बनविरुद्ध पाण्डेले मङ्गलबार उच्चमा उत्प्रेषणको रिट दायर गरेका थिए । ’महानगर प्रहरीको परिचालन, रेखदेख, नियन्त्रण र निर्देशन दिने अधिकार विपक्षी प्रमुख प्रशासकीय अधिकृतलाई रहेको र सो बमोजिमको आदेश र निर्देशन पालना गर्नु प्रत्येक महानगर प्रहरीको कर्तव्य…

असारे बदली छरिए जताततै,हरियो जूनिको आभा धरातलमाथि।हातमा हल, काँधमा गोरु,जिउँदो संस्कार  हाम्रो गौरव यही। छ्यापछ्याप्त घाम र छिटो झरी,दलदली खेतको रमाइलो लरी।गोठको गोरु आज खेतमा राजा,हलको टिपोटमा बग्छ जीवनको साजा। माटोको गन्ध, पसिनाको मेल,सपनाको बीउ रोप्दै गरिन्छ खेल।हस्तकलाका हात, मेहनती स्वर,असारमा झल्किन्छ किसानको दरबार। सुनौलो भोलिको सपनाको खेती,गोरु र हलले कोर्छ सुनौलो रेखी।श्रम र धरतीको यो पवित्र मेला,असार महिनामा रमाइला बेला।

काठमाडौं । आदिवासी जनजाति आयोगले काठमाडौं–तराई – मधेश फास्ट ट्र्याकको सुरु विन्दु खोकनाबाट डुकुछाप सार्न प्रधानमन्त्री केपी शर्मा ओलीलाई सुझाव दिएको छ । बुधबार सिंहदरबारमा आयोग अध्यक्ष रामबहादुर थापामगरले प्रतिवेदन बुझाउँदै खोकनाबाट विस्थापनको जोखिम र मानव अधिकार उल्लङ्घन हुने जनाएका छन् । खोकना क्षेत्रको धार्मिकसांस्कृतिक सम्पदाको संरक्षण र बागमती सफाइ योजनामा असर नपरोस् भन्ने हेतुले नयाँ प्रस्ताव गरिएको आयोगले जनाएको छ । आयोजना सञ्चालनअघि स्थानीय समुदायसँग पूर्व–सूचित सहमति लिनुपर्ने पनि प्रतिवेदनमा उल्लेख छ ।

काठमाडौं । त्रिभुवन अन्तर्राष्ट्रिय विमानस्थलमा फेरि सुन तस्करी प्रयास भएको छ। दुबईबाट काठमाडौं आएकी एक भारतीय महिला १ किलोभन्दा बढी सुनसहित पक्राउ परेकी छन्। बुधबार बिहान दुबईबाट एयर अरेबिया विमानमार्फत काठमाडौं आएकी भारतीय नागरिक खेमनीमीना सुर्जित सिंहलाई विमानस्थल प्रहरीले नियन्त्रणमा लिएको हो। उनीसँग ११ सय ६० ग्राम सुन बरामद गरिएको छ। प्रहरीका अनुसार नियमित जाँचका क्रममा शंका लागेपछि थप जाँच गर्दा सुन फेला परेको हो। खेमनीमीनाले सुनलाई लिक्विड (तरल) अवस्थामा बनाएर ल्याएको प्रारम्भिक अनुसन्धानमा खुलेको प्रहरीले जनाएको छ।

काठमाडौं । प्रधानमन्त्री केपी शर्मा ओलीको अध्यक्षतामा उच्चस्तरीय सुशासन आयोगको पहिलो बैठक बुधबार सम्पन्न भएको छ। प्रधानमन्त्री तथा मन्त्रिरिषद्को कार्यालय, सिंहदरबारमा भएको बैठकमा आयोग गठनको उद्देश्य, कार्यक्षेत्र निर्धारण र प्राथमिकताका कार्यसूचीबारे परिचयात्मक छलफल भएको छ। आयोगमा राजनीतिक दल, विज्ञ र निजी क्षेत्रका प्रतिनिधिको मनोनयन चाँडै गरी अर्काे साता दोस्रो पूर्ण बैठक बस्ने तय भएको छ। गत वैशाख ८ गतेको मन्त्रिपरिषद्को बैठकले प्रधानमन्त्री ओलीको अध्यक्षतामा सो १५ सदस्यीय आयोग गठन गरेको थियो। आयोगमा उपप्रधानमन्त्री एवं अर्थमन्त्री विष्णुुप्रसाद पौडेल, गृहमन्त्री रमेश लेखक, कानुन, न्याय तथा संसदीय मामिलामन्त्री अजय चौरसिया, सामान्य प्रशासन तथा सङ्घीय मामिलामन्त्री राजकुमार गुप्तालगायत सहभागी थिए।

काठमाडौं । प्रतिनिधिसभाले बजेट पारित गर्नका लागि असार १४ गतेसम्मका लागि नयाँ क्यालेण्डर तयार गरेको छ। बजेट पारित गर्ने गरी यसअघि तयार भएको क्यालेण्डर संसद् अवरुद्ध भएर प्रभावित भएपछि संसद् सचिवालयले नयाँ क्यालेण्डर बनाएको हो। जसअनुसार असार १० गते प्रतिनिधिसभाबाट बजेटको मूल विधेयक (विनियोजन विधेयक) पारित गर्ने नयाँ तालिकामा उल्लेख छ। क्यालेण्डरअनुसार असार १४ गतेसम्म ११ वटा बैठक बस्नेछ। क्यालेण्डरमा असार १० गतेसम्म निरन्तर र त्यसपछि १४ गते बैठक बस्ने उल्लेख छ । यद्यपि रास्वपाको सदन अवरोधका कारणले क्यालेण्डरमा भएअनुसार आज बैठक बसेको छैन। ६ गते प्रधानमन्त्रीसँग प्रश्नोत्तर, ७ र १४ गते शनिबार पनि बैठक बस्ने क्यालेण्डरमा उल्लेख छ ।…

काठमाडौं । नेपाली कांग्रेसले पार्टीका पूर्वकेन्द्रीय सदस्य, पूर्वमन्त्री एवं समाजवादी चिन्तक ढुण्डीराज शास्त्रीको निधनप्रति दुःख व्यक्त गर्दै तीन दिन शोक मनाउने निर्णय गरेको छ। कांग्रेसको आज बसेको आकस्मिक केन्द्रीय कार्यसमिति बैठकले उनको निधनमा शोक प्रस्ताव पारित गर्दै यही असार ४, ५ र ६ गते तीन दिनसम्म पार्टीको केन्द्रीय कार्यालय, प्रदेश कार्यालय र जिल्ला कार्यालयमा झन्डा आधा झुकाउने निर्णय गरेको हो । बैठकले असार ५ गते केन्द्र, प्रदेश र जिल्लाका सबै कार्यालय बन्द गर्ने, स्वर्गारोहणको १३औँ दिनसम्म केन्द्र, प्रदेश र जिल्ला कार्यालयहरूमा शोकपुस्तिका राख्ने र स्वर्गारोहणको १३औँ दिनमा सम्बन्धित जिल्लामा शोकसभा आयोजना गर्ने निर्णय गरेको पार्टीका मुख्यसचिव कृष्णप्रसाद पौडेलले जानकारी दिए।…