Author: हाम्राे हेडलाइन

काठमाडौं । निर्वाचन आयोगले राष्ट्रिय प्रजातन्त्र पार्टी (राप्रपा) का पाँच जना नेतामाथि गरिएको अनुशासनात्मक कारबाहीबारे सोधपुछ गर्न पार्टीलाई पत्राचार गरेको छ। ती नेताहरूले आफूहरूलाई विधानविपरीत अवैधानिक रूपमा कारबाही गरिएको भन्दै आयोगमा उजुरी दिएका थिए। राप्रपा अध्यक्ष राजेन्द्र लिङदेनले हालै अनुशासन समिति अध्यक्ष नवराज सुवेदी, प्रवक्ता सगुनसुन्दर लावती, उपाध्यक्ष मुकुन्द श्याम गिरी, महामन्त्री डा. धवलशम्शेर राणा र संयोजित संगठन विभागका सदस्य सचिव धनशुर शाहीलाई विभिन्न पदबाट हटाएका थिए। कारबाहीको विरोधमा पाँचै नेताहरूले निर्वाचन आयोगमा लिखित उजुरी दिएपछि आयोगले छानबिन प्रक्रिया सुरु गरेको हो। आयोगकी प्रवक्ता सीता पोखरेलका अनुसार सो उजुरीका आधारमा राप्रपालाई औपचारिक पत्राचार गरिएको छ। ‘पाँच जनाको निवेदन आएपछि आयोगले…

काठमाडौं । प्रधानमन्त्री केपी शर्मा ओलीले सरकारको प्रमुख प्राथमिकता स्वदेशमै रोजगारीको अवसर सिर्जना गर्नु र वैदेशिक रोजगारीबाट फर्किएका युवाको सीप, पुँजी र अनुभवलाई उत्पादनमूलक क्षेत्रमा उपयोग गर्नु रहेको बताएका छन्। बुधबार प्रतिनिधिसभाको बैठकमा सांसद्हरुको प्रश्नोत्तरका क्रममा प्रधानमन्त्री ओलीले सरकारले वि.सं. २०८२ देखि २०९२ सम्मलाई ‘आन्तरिक रोजगार प्रवद्र्धन दशक’ घोषणा गरेको जानकारी दिए। उनका अनुसार कृषि, उद्योग, पर्यटन, ऊर्जा र पूर्वाधार निर्माणजस्ता क्षेत्रहरूमा सरकारी तथा निजी लगानी बढ्दै गएकाले त्यसबाट ठूलो मात्रामा रोजगारी सिर्जना हुने अपेक्षा गरिएको छ। ओलीले प्रधानमन्त्री रोजगार कार्यक्रमलाई राष्ट्रिय रोजगार प्रवद्र्धन कार्यक्रमको रूपमा पुनर्संरचना गर्ने योजना रहेको बताए। उक्त कार्यक्रमलाई थप सीपमूलक र रोजगारमूलक बनाउने नीति अवलम्बन…

काठमाडौं । प्राविधिक शिक्षा तथा व्यावसायिक तालिम परिषद् (सीटीईभीटी) अन्तर्गत सञ्चालन हुने तीन वर्षे पीसीएल नर्सिङ (स्टाफ नर्स) कार्यक्रममा अबदेखि प्रवेश परीक्षा नहुने भएको छ । यस वर्षदेखि विद्यार्थी छनोटका लागि प्रवेश परीक्षा हटाई सीईई (एसईई) को जीपीएको आधारमै भर्ना हुने व्यवस्था मिलाइएको हो । सीटीईभीटीले एसईईको ग्रेडिङ प्रणालीलाई वैज्ञानिक र पारदर्शी ठहर गर्दै जीपीएकै आधारमा भर्ना प्रक्रिया अघि बढाउने निर्णय गरेको हो । यससँगै अब इच्छुक विद्यार्थीलाई देशभरबाट काठमाडौं आएर प्रवेश परीक्षामा सहभागी हुनुपर्ने बाध्यता हटेको परिषद्ले जनाएको छ । सीटीईभीटीका सूचना अधिकारी एकराज अधिकारीका अनुसार अघिल्ला वर्षहरूमा हरेक विद्यार्थीलाई प्रवेश परीक्षा दिई भर्ना गराइन्थ्यो । तर पछिल्लो समय…

काठमाडौं । लमजुङ राइनास नगरपालिका–६ मेजर गाउँस्थित राइनासटार सिंचाइ नहरमा फेला परेको बेवारिसे शवको पहिचान खुलेको छ। जिल्ला प्रहरी कार्यालय लमजुङका अनुसार उक्त शव राइनास नगरपालिका–३ टिमुरे बस्ने ४२ वर्षीया सीता नेपाली को रहेको पुष्टि भएको हो। उनी कृष्णबहादुर नेपालीकी पत्नी हुन्। बुधबार बिहान करिब पौने ९ बजे नहरमा शव घोप्टो परेर तैरिरहेको अवस्थामा फेला परेको थियो। शवलाई पहिलोपटक देखेपछि स्थानीयले प्रहरीलाई खबर गरेका थिए। मृतक सीताको छोरीलगायत स्थानीयले शवको पहिचान गरेपछि सनाखत र कानुनी प्रक्रिया पूरा गरिएको प्रहरीले जनाएको छ। शवलाई पोष्टमार्टमका लागि प्रदेश अस्पताल लमजुङ पठाइएको छ। शवको मृत्युको कारणबारे अनुसन्धान भइरहेको प्रहरीले जनाएको छ। प्रारम्भिक अनुसन्धानबाट कुनै…

काठमाडौं । बुधबार बसेको मन्त्रिपरिषद् बैठकले मधेश प्रदेशका सबै आठवटा जिल्लालाई तीन महिनाका लागि विपद् संकटग्रस्त क्षेत्र घोषणा गरेको छ। गृहमन्त्री रमेश लेखकको प्रस्तावमा मन्त्रिपरिषद्ले उक्त निर्णय पारित गरेको हो। लगातारको अनावृष्टि र भूमिगत पानीको अति दोहनका कारण जमिनमा पर्याप्त पानी पुनःभरण हुन नसक्दा सिँचाइ प्रणालीमा गम्भीर असर परेको बताइएको छ। भूमिगत पानीका स्रोत सुक्दै जानुले खानेपानीको समेत अभाव चुलिँदै गएपछि संकटग्रस्त क्षेत्र घोषणा गर्नुपर्ने आवश्यकता औंल्याइएको हो। यसअघि मधेश प्रदेश सरकारले मंगलबार संघीय सरकारलाई संकटग्रस्त क्षेत्र घोषणा गर्न सिफारिस गरेको थियो। प्रदेशस्तरको निर्णयसँगै संघीय सरकारले पनि नेपाल राजपत्रमा सूचना प्रकाशित गर्दै घोषणा कार्यान्वयनमा ल्याउने तयारी गरेको छ। गृह मन्त्रालयका…

काठमाडौं । पूर्वराष्ट्रपति तथा नेकपा (एमाले) नेतृ विद्यादेवी भण्डारीले आफू सक्रिय राजनीतिमा फर्किइसकेको बताउँदै अब पछि नफर्कने घोषणा गरेकी छन्। आफ्नै निवास भंगालमा पत्रकारहरूसँगको अन्तरक्रियामा बोल्दै उनले राष्ट्रपतिको जिम्मेवारी पार्टीकै निर्णयमा निर्वाह गरेको र अहिले पनि पार्टीकै माटोमा फर्किएको स्पष्ट पारिन्। “राष्ट्रपति बन्ने निर्णय सजिलो थिएन” भण्डारीले २०७० सालमा पार्टीले सभामुख बन्न अफर गरेको र पछि राष्ट्रपतिको जिम्मेवारी दिन प्रस्ताव आएपछि आफूले निर्णय गर्न धेरै सोच्नुपरेको बताइन्। “राष्ट्रपति बन्न प्रस्ताव आएपछि रातभर निन्द्रा लागेन,” उनले स्मरण गरिन्, “छोरीहरूले पनि मलाई सोध्थे— बुवाको सपना पुरा गर्न राष्ट्रपतिमा जाँदा के हुन्छ?” उनले थपिन्, “म राष्ट्रपति हुँदा घरमा खुसी थिएन।” तर राष्ट्रपतिको भूमिकामा…

काठमाडौं । काठमाडौंको पर्यटकीय क्षेत्र ठमेलबाट दुई केजी सुनसहित दुई जना चिनियाँ नागरिक पक्राउ परेका छन्। उपत्यका अपराध अनुसन्धान कार्यालयको टोलीले सोमबार राति ठमेलस्थित एक होटलमा विशेष सूचनाका आधारमा छापा मारेर उनीहरूलाई नियन्त्रणमा लिएको हो। पक्राउ पर्नेमा चीनको सियाचिन घर भएकी ३४ वर्षीया सुमेई चोउ र ४६ वर्षीय चुनलिन थान रहेका छन्। प्रहरीले उनीहरूकाे साथबाट दुई किलो सुनसँगै २४ लाख नगदसमेत बरामद गरेको जनाएको छ। प्रहरीका अनुसार बरामद सुनको स्रोत र प्रयोगको विषयमा प्रारम्भिक अनुसन्धान भइरहेको छ भने आवश्यक कानुनी प्रक्रिया अगाडि बढाइएको छ।

काठमाडौं । नेपाली सेयर बजार मंगलबार पुनः तीव्र उकालो लाग्दै उत्साहजनक अवस्थामा पुगेको छ। नेपाल स्टक एक्सचेन्ज (नेप्से) का अनुसार आज नेप्से परिसूचक ८०.९७ अंकले वृद्धि भई २,९७३.७० बिन्दुमा पुगेर बन्द भएको हो। बजार सूचक २.७९ प्रतिशतले बढेको हो। बजारमा हरियाली छाउँदा नेप्सेका सबै १३ उपसमूह हरियालीमा रहन सफल भए। तीमध्ये उत्पादन तथा प्रशोधन समूह सबैभन्दा बढी ४.६३ प्रतिशतले बढेर अगाडि रहेको छ, जसले लगानीकर्तालाई मनोबल थप बढाएको छ। आजको कारोबारमा २३६ वटा कम्पनीका सेयर मूल्य बढेका छन् भने केवल १४ वटा कम्पनीका सेयर घटेका छन्। कुल २० अर्ब रुपैयाँभन्दा बढीको कारोबार भएको छ, जुन पछिल्ला महिनाहरूको तुलनामा उच्च हो।…

काठमाडौं । संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले सरकारमा तत्काल मन्त्रिपरिषद् हेरफेर हुने चर्चा निराधार भएको स्पष्ट पारेका छन्। मंगलबार पत्रकारहरूसँग कुराकानी गर्दै उनले हाल मन्त्रिपरिषद् पुनर्गठनको कुनै औपचारिक चर्चा सत्ता साझेदार दलहरूबीच नभएको जानकारी दिए। “मन्त्री हेरफेरको कुरा केवल हल्ला हो,” उनले भने, “प्रधानमन्त्री र कांग्रेस सभापतिको तर्फबाट पनि त्यस्तो संकेत आएको छैन।” उनले सरकारको वर्तमान गठबन्धन आगामी विसं २०८४ सम्म कायम रहने दाबी गर्दै त्यसबीचमा कामलाई अझ प्रभावकारी बनाउनेतर्फ सरकार केन्द्रित हुने बताए। “प्रधानमन्त्रीले काममा तीव्रता ल्याउन निर्देशन दिनुभएको छ,” मन्त्री पाण्डेले भने। अर्को प्रसंगमा उनले भरतपुर विमानस्थलको विस्तार प्रक्रिया अघि बढ्ने बताए। “सरोकारवाला निकाय र सेनासँग…

काठमाडौं । नेपाली साहित्यको प्रतिष्ठित मदन पुरस्कारका लागि उत्कृष्ट सात पुस्तकको सूची सार्वजनिक गरिएको छ। मदन पुरस्कार गुठीले मंगलबार एक विज्ञप्ति जारी गर्दै २०८१ सालका लागि प्राप्त २९९ पुस्तकमध्येबाट उत्कृष्ट सात कृति छनोट गरिएको जानकारी दिएको हो। गुठीका अनुसार उत्कृष्ट सूचीमा परेका पुस्तकहरू निम्नानुसार छन्: ‘उरमाल’ – छुदेन काविमो ‘छालबाटो : कैलाशदेखि गंगासम्म’ – रमेश भुसाल ‘दर्ज्यु संलाप’ – कुमारी लामा ‘पञ्चतत्वको पालाम’ – मनप्रसाद सुब्बा ‘बहुरुपी’ – श्रेयज सुवेदी ‘भिक्षु, व्यापार र विद्रोह (नेपालको भोट–चीन सम्बन्ध र भारत)’ – सुधीर शर्मा ‘हिउँको गीत’ – तीर्थ गुरुङ गुठीका अध्यक्ष कुन्द दीक्षितका अनुसार यी सातमध्ये एक उत्कृष्ट कृति मदन पुरस्कार २०८१…