Author: हाम्राे हेडलाइन

काठमाडौं । नेपाल प्रिमियर लिग (एनपीएल) फ्रेन्चाइज टोली चितवन राइनोज ले आगामी सिजन २ का लागि आफ्नो लोगोमा महत्वपूर्ण परिवर्तन गर्दै गैंडालाई मुख्य प्रतीकको रूपमा प्रस्तुत गरेको छ। मंगलबार सार्वजनिक गरिएको प्रेस विज्ञप्तिमा टोलीले अघिल्लो सिजनको तुलनामा ‘चितवन’ शब्दको सट्टा ‘राइनोज’ अर्थात् गैंडा लाई लोगोको अग्रभागमा राखिएको जनाएको छ। टोलीले यो परिवर्तनलाई केवल डिजाइनको विषय नभई, समर्पण, गर्व र फ्यानहरूप्रतिको भावनात्मक सम्बन्धको झल्को भएको स्पष्ट पारेको छ। टोलीले उल्लेख गरेअनुसार अघिल्लो सिजनमा परिचालित मस्कट ‘मिस्टर गैंडा’ ले फ्यानहरूबीच निकै लोकप्रियता कमाएको थियो। यही लोकप्रियता र भावनालाई सम्मान दिँदै नयाँ लोगोमार्फत टोलीले फ्यानहरूसँगको सम्बन्धलाई अझ मजबुत बनाउने प्रयास गरेको जनाएको छ।…

काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले उपमहासचिव जनार्दन शर्मामाथि लक्षित गर्दै तीव्र व्यंग्य गरेका छन्। बुधबार राजधानीको राष्ट्रिय सभागृहमा आयोजित नेकपाका संस्थापक महासचिव पुष्पलालको ४७औं स्मृति दिवसको अवसरमा आयोजित विचार गोष्ठीमा सम्बोधन गर्दै अध्यक्ष दाहालले पार्टीभित्र कतिपय नेताहरू “सिङ्गौरी खेल्न” चाहेको टिप्पणी गरे। उनले नाम नलिइकन उपमहासचिव शर्मातर्फ संकेत गर्दै भने, “अहिले पनि कति साथीहरूले ल त भनेर अलिलि सिङ्गौरी खेल्न पाए हुन्थ्यो भन्ने जस्तो गर्नुभएको छ। उहाँहरूलाई म प्रशस्त सिङ्गौरी खेल्न दिएको छु। जति मन लाग्छ, खेल्नुस् भनेको छु।” अध्यक्ष दाहालले आफूले नेतृत्वको हैसियतमा कसैलाई पनि दमन नगरेको र भिन्न मतप्रति सधैं सहिष्णुता देखाउँदै…

काठमाडौं । साताको चौथो कारोबार दिन बुधबार सेयर बजारमा सुधार देखिएको छ। नेपाल स्टक एक्सचेन्ज (नेप्से) परिसूचक ५.१७ अंकले बढेर २९७८.८८ विन्दुमा पुगेको छ। आज ३१९ कम्पनीका ४ करोड ४८ लाखभन्दा बढी कित्ता सेयर किनबेच हुँदा १९ अर्ब ५७ करोड रुपैयाँभन्दा बढीको कारोबार भएको हो। सर्वाधिक कारोबार हिमालयन रिइन्स्योरेन्स कम्पनीको भएको छ, जसको कारोबार ७८ करोड १० लाख रुपैयाँ पुगेको छ। त्यस्तै, शिवम् सिमेन्ट्सको ७५ करोड २९ लाख, निफ्राको ६२ करोड ३३ लाख, बुटवल पावर कम्पनीको ६२ करोड २५ लाख र नेपाल पुनर्बीमा कम्पनीको ५५ करोड २७ लाख रुपैयाँ बराबरको सेयर कारोबार भएको छ।

काठमाडौं । लमजुङको मर्स्याङ्दी गाउँपालिका–८ स्थित भुलभुलेमा जुवातास खेलिरहेको अवस्थामा सात जनालाई प्रहरीले पक्राउ गरेको छ। पक्राउ परेकामध्ये एक जना मनाङ होटलका सञ्चालकसमेत रहेका छन्। जिल्ला प्रहरी कार्यालय लमजुङका अनुसार मंगलबार साँझ भुलभुलेस्थित मनाङ होटलमा तास खेलिरहेको सूचना पाएपछि प्रहरी टोलीले छापा मारी सात जनालाई नियन्त्रणमा लिएको हो। पक्राउ परेकामध्ये होटल सञ्चालक ४८ वर्षीय सन्तबीर तामाङ पनि छन्। प्रहरीले उनीहरूको साथबाट नगद १ लाख ७ सय रुपैयाँ र ३ बुक तास बरामद गरेको जनाएको छ। घटनासम्बन्धी थप अनुसन्धान जारी रहेको प्रहरीले जानकारी दिएको छ। जुवातासजस्तो सामाजिक विकृतिविरुद्ध निरन्तर निगरानी गरिने प्रहरीको भनाइ छ।

काठमाडौं । निर्वाचन आयोगले राष्ट्रिय प्रजातन्त्र पार्टी (राप्रपा) का पाँच जना नेतामाथि गरिएको अनुशासनात्मक कारबाहीबारे सोधपुछ गर्न पार्टीलाई पत्राचार गरेको छ। ती नेताहरूले आफूहरूलाई विधानविपरीत अवैधानिक रूपमा कारबाही गरिएको भन्दै आयोगमा उजुरी दिएका थिए। राप्रपा अध्यक्ष राजेन्द्र लिङदेनले हालै अनुशासन समिति अध्यक्ष नवराज सुवेदी, प्रवक्ता सगुनसुन्दर लावती, उपाध्यक्ष मुकुन्द श्याम गिरी, महामन्त्री डा. धवलशम्शेर राणा र संयोजित संगठन विभागका सदस्य सचिव धनशुर शाहीलाई विभिन्न पदबाट हटाएका थिए। कारबाहीको विरोधमा पाँचै नेताहरूले निर्वाचन आयोगमा लिखित उजुरी दिएपछि आयोगले छानबिन प्रक्रिया सुरु गरेको हो। आयोगकी प्रवक्ता सीता पोखरेलका अनुसार सो उजुरीका आधारमा राप्रपालाई औपचारिक पत्राचार गरिएको छ। ‘पाँच जनाको निवेदन आएपछि आयोगले…

काठमाडौं । प्रधानमन्त्री केपी शर्मा ओलीले सरकारको प्रमुख प्राथमिकता स्वदेशमै रोजगारीको अवसर सिर्जना गर्नु र वैदेशिक रोजगारीबाट फर्किएका युवाको सीप, पुँजी र अनुभवलाई उत्पादनमूलक क्षेत्रमा उपयोग गर्नु रहेको बताएका छन्। बुधबार प्रतिनिधिसभाको बैठकमा सांसद्हरुको प्रश्नोत्तरका क्रममा प्रधानमन्त्री ओलीले सरकारले वि.सं. २०८२ देखि २०९२ सम्मलाई ‘आन्तरिक रोजगार प्रवद्र्धन दशक’ घोषणा गरेको जानकारी दिए। उनका अनुसार कृषि, उद्योग, पर्यटन, ऊर्जा र पूर्वाधार निर्माणजस्ता क्षेत्रहरूमा सरकारी तथा निजी लगानी बढ्दै गएकाले त्यसबाट ठूलो मात्रामा रोजगारी सिर्जना हुने अपेक्षा गरिएको छ। ओलीले प्रधानमन्त्री रोजगार कार्यक्रमलाई राष्ट्रिय रोजगार प्रवद्र्धन कार्यक्रमको रूपमा पुनर्संरचना गर्ने योजना रहेको बताए। उक्त कार्यक्रमलाई थप सीपमूलक र रोजगारमूलक बनाउने नीति अवलम्बन…

काठमाडौं । प्राविधिक शिक्षा तथा व्यावसायिक तालिम परिषद् (सीटीईभीटी) अन्तर्गत सञ्चालन हुने तीन वर्षे पीसीएल नर्सिङ (स्टाफ नर्स) कार्यक्रममा अबदेखि प्रवेश परीक्षा नहुने भएको छ । यस वर्षदेखि विद्यार्थी छनोटका लागि प्रवेश परीक्षा हटाई सीईई (एसईई) को जीपीएको आधारमै भर्ना हुने व्यवस्था मिलाइएको हो । सीटीईभीटीले एसईईको ग्रेडिङ प्रणालीलाई वैज्ञानिक र पारदर्शी ठहर गर्दै जीपीएकै आधारमा भर्ना प्रक्रिया अघि बढाउने निर्णय गरेको हो । यससँगै अब इच्छुक विद्यार्थीलाई देशभरबाट काठमाडौं आएर प्रवेश परीक्षामा सहभागी हुनुपर्ने बाध्यता हटेको परिषद्ले जनाएको छ । सीटीईभीटीका सूचना अधिकारी एकराज अधिकारीका अनुसार अघिल्ला वर्षहरूमा हरेक विद्यार्थीलाई प्रवेश परीक्षा दिई भर्ना गराइन्थ्यो । तर पछिल्लो समय…

काठमाडौं । लमजुङ राइनास नगरपालिका–६ मेजर गाउँस्थित राइनासटार सिंचाइ नहरमा फेला परेको बेवारिसे शवको पहिचान खुलेको छ। जिल्ला प्रहरी कार्यालय लमजुङका अनुसार उक्त शव राइनास नगरपालिका–३ टिमुरे बस्ने ४२ वर्षीया सीता नेपाली को रहेको पुष्टि भएको हो। उनी कृष्णबहादुर नेपालीकी पत्नी हुन्। बुधबार बिहान करिब पौने ९ बजे नहरमा शव घोप्टो परेर तैरिरहेको अवस्थामा फेला परेको थियो। शवलाई पहिलोपटक देखेपछि स्थानीयले प्रहरीलाई खबर गरेका थिए। मृतक सीताको छोरीलगायत स्थानीयले शवको पहिचान गरेपछि सनाखत र कानुनी प्रक्रिया पूरा गरिएको प्रहरीले जनाएको छ। शवलाई पोष्टमार्टमका लागि प्रदेश अस्पताल लमजुङ पठाइएको छ। शवको मृत्युको कारणबारे अनुसन्धान भइरहेको प्रहरीले जनाएको छ। प्रारम्भिक अनुसन्धानबाट कुनै…

काठमाडौं । बुधबार बसेको मन्त्रिपरिषद् बैठकले मधेश प्रदेशका सबै आठवटा जिल्लालाई तीन महिनाका लागि विपद् संकटग्रस्त क्षेत्र घोषणा गरेको छ। गृहमन्त्री रमेश लेखकको प्रस्तावमा मन्त्रिपरिषद्ले उक्त निर्णय पारित गरेको हो। लगातारको अनावृष्टि र भूमिगत पानीको अति दोहनका कारण जमिनमा पर्याप्त पानी पुनःभरण हुन नसक्दा सिँचाइ प्रणालीमा गम्भीर असर परेको बताइएको छ। भूमिगत पानीका स्रोत सुक्दै जानुले खानेपानीको समेत अभाव चुलिँदै गएपछि संकटग्रस्त क्षेत्र घोषणा गर्नुपर्ने आवश्यकता औंल्याइएको हो। यसअघि मधेश प्रदेश सरकारले मंगलबार संघीय सरकारलाई संकटग्रस्त क्षेत्र घोषणा गर्न सिफारिस गरेको थियो। प्रदेशस्तरको निर्णयसँगै संघीय सरकारले पनि नेपाल राजपत्रमा सूचना प्रकाशित गर्दै घोषणा कार्यान्वयनमा ल्याउने तयारी गरेको छ। गृह मन्त्रालयका…

काठमाडौं । पूर्वराष्ट्रपति तथा नेकपा (एमाले) नेतृ विद्यादेवी भण्डारीले आफू सक्रिय राजनीतिमा फर्किइसकेको बताउँदै अब पछि नफर्कने घोषणा गरेकी छन्। आफ्नै निवास भंगालमा पत्रकारहरूसँगको अन्तरक्रियामा बोल्दै उनले राष्ट्रपतिको जिम्मेवारी पार्टीकै निर्णयमा निर्वाह गरेको र अहिले पनि पार्टीकै माटोमा फर्किएको स्पष्ट पारिन्। “राष्ट्रपति बन्ने निर्णय सजिलो थिएन” भण्डारीले २०७० सालमा पार्टीले सभामुख बन्न अफर गरेको र पछि राष्ट्रपतिको जिम्मेवारी दिन प्रस्ताव आएपछि आफूले निर्णय गर्न धेरै सोच्नुपरेको बताइन्। “राष्ट्रपति बन्न प्रस्ताव आएपछि रातभर निन्द्रा लागेन,” उनले स्मरण गरिन्, “छोरीहरूले पनि मलाई सोध्थे— बुवाको सपना पुरा गर्न राष्ट्रपतिमा जाँदा के हुन्छ?” उनले थपिन्, “म राष्ट्रपति हुँदा घरमा खुसी थिएन।” तर राष्ट्रपतिको भूमिकामा…