Author: हाम्राे हेडलाइन

काठमाडौं । सरकारले पछिल्ला दुई मन्त्रिपरिषद बैठकका निर्णयहरू सार्वजनिक गरेको छ । बुधबार सिंहदरबारमा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले पछिल्ला दुई मन्त्रिपरिषद् बैठकका निर्णयहरू सार्वजनिक गरेका हुन् । असार २३ गतेका मुख्य निर्णयहरू: दिगो विकाससम्बन्धी उच्चस्तरीय राजनीतिक संयन्त्रको बैठक (साउन ६–१२, न्यूयोर्क, अमेरिका) मा राष्ट्रिय योजना आयोगका उपाध्यक्ष प्रा. डा. शिवराज अधिकारीलाई सहभागी हुन स्वीकृति। नेपाल–चीन कूटनीतिक सम्बन्ध स्थापनाको ७०औं वार्षिकोत्सवको अवसरमा गण्डकी प्रदेशका मुख्यमन्त्री सुरेन्द्रराज पाण्डेलाई चीन भ्रमण स्वीकृति। एक हजार रुपैयाँ दरको नयाँ नोट छपाइका लागि चित्र र आकार स्वीकृत। विद्यालय क्षेत्र सुधार कार्यक्रम अन्तर्गत १०.८ मिलियन अमेरिकी डलर बराबरको विश्व बैंक अनुदान स्वीकार।…

काठमाडौं । सरकारले साउन महिनालाई ‘डेंगी सचेतना महिना’को रूपमा मनाउने घोषणा गरेको छ। स्वास्थ्य तथा जनसंख्या मन्त्रालयले बुधबार विशेष कार्यक्रम आयोजना गरी लामखुट्टेको टोकाइबाट सर्ने डेंगी रोगबारे जनचेतना फैलाउने उद्देश्यले साउन महिना चयन गरिएको जानकारी दिएको हो। कार्यक्रममा मन्त्रालयले यस वर्ष देशभर ६० हजारभन्दा बढी नागरिकमा डेंगी संक्रमण देखिन सक्ने अनुमान सार्वजनिक गरेको छ। गत वर्षको तुलनामा संक्रमणको जोखिम अझै बढ्ने आँकलन गर्दै समयमै सतर्कता अपनाउन आग्रह गरिएको छ। मन्त्रालयका अनुसार डेंगी संक्रमण साउनदेखि कात्तिक महिनासम्म बढी देखिने भएकाले साउन महिनाबाटै सतर्कता, जनचेतना, सफाइ र रोकथाममा जोड दिइएको हो। स्वास्थ्य मन्त्रालयले डेंगीविरुद्धको अभियानमा स्थानीय तहहरूसँग मिलेर सचेतनामूलक कार्यक्रम सञ्चालन गर्ने…

काठमाडौं । नेपाल आयल निगमले पेट्रोलियम पदार्थको मूल्य घटाएको छ । मंगलबार राति १२ बजेदेखि लागू हुने गरी निगमले पेट्रोलमा प्रतिलिटर ५ रुपैयाँ तथा डिजेल र मट्टितेलमा प्रतिलिटर १ रुपैयाँले मूल्य घटाएको विज्ञप्तिमार्फत् जनाएको छ । इन्डियन आयल कर्पोरेसन (आईओसी) बाट प्राप्त नयाँ मूल्यसूची अनुसार मूल्य समायोजन गरिएको निगमको बिज्ञप्तिमा उल्लेख छ ।आईओसीबाट पेट्रोलमा प्रतिलिटर ५ रुपैयाँ ३ पैसा र डिजेलमा १ रुपैयाँ ३० पैसा घटेर आएपछि सोही अनुसार समायोजन गरिएको हो । मूल्यसूची

काठमाडौं । पूर्वराष्ट्रपति विद्यादेवी भण्डारीले नेकपा एमालेमा आफूले पाउने जिम्मेवारी पार्टीको केन्द्रीय कमिटीले तय गर्ने स्पष्ट पारेकी छन्। मंगलबार राजधानीमा सञ्चारकर्मीहरूसँग कुराकानी गर्दै उनले आगामी विधान महाधिवेशनमा आफ्नो सहभागिता पनि कमिटीको निर्णयमा निर्भर हुने बताइन्। “मेरो उपस्थितिको विषय केन्द्रीय कमिटीले कुन रूपमा लैजान्छ भन्ने हो,” भण्डारीले भनिन्, “मलाई प्रतिनिधिका रूपमा लैजानुहुन्छ कि होइन, त्यो केन्द्रीय कमिटीको निर्णय हो।” उनले पार्टीभित्र आफूले पाउने जिम्मेवारीबारे केन्द्रीय कमिटीमा छलफल हुने अपेक्षा समेत राखिन्। “पक्कै पनि मेरो विषयमा धारणा बनेर निर्णय हुन्छ होला,” उनले थपिन्। यसै क्रममा उनले आफ्ना पति मदन भण्डारीको रहस्यमय मृत्युलाई अझै पनि समाजले स्पष्ट रूपमा नबुझेको उल्लेख गर्दै यसबारे उठ्ने…

काठमाडौं । संघीय मामिला तथा सामान्य प्रशासन मन्त्री राजकुमार गुप्ताको राजीनामापछि प्रधानमन्त्री केपी शर्मा ओलीले आजै मन्त्रालयको नयाँ नेतृत्व चयन गर्ने तयारी गरेका छन्। घुस डिलमा मुछिएर गुप्ताले मंगलबार राजीनामा दिएसँगै मन्त्रालय नेतृत्व रिक्त भएको छ। प्रधानमन्त्री ओलीले आज साँझ ५ बजे आफ्ना सल्लाहकार र पार्टी नेतृत्वसँगको छलफलपछि नयाँ मन्त्रीको नाम सार्वजनिक गर्ने तयारी गरेका छन्। ओलीले नयाँ मन्त्री नियुक्तिका लागि पार्टीका उपमहासचिव तथा आफ्ना प्रमुख राजनीतिक सल्लाहकार विष्णु रिमालसँग एक चरण छलफल गरिसकेका छन्। प्रधानमन्त्रीको सचिवालयका अनुसार संघीय मामिला तथा सामान्य प्रशासन मन्त्रालय जस्तो संवेदनशील मन्त्रालयलाई लामो समयसम्म खाली राख्न नहुने निष्कर्षसहित तत्काल नियुक्तिको तयारी गरिएको हो। साँझभित्रै टिम…

काठमाडौं । साताको तेस्रो कारोबार दिन मंगलबार नेपाल स्टक एक्सचेन्ज (नेप्से) परिसूचक दोहोरो अंकले बढेको छ। आज नेप्से ३४.४६ अंकले बढेर २ हजार ७६०.१७ विन्दुमा पुगेको छ। बजारको समग्र अवस्थालाई झल्काउने सेन्सेटिभ इन्डेक्स पनि १.४८ प्रतिशतले बढेर ४८१.४० विन्दुमा पुगेको छ। आज ३१७ कम्पनीका २ करोड ६५ लाख १७ हजार कित्ता शेयर किनबेच हुँदा ९ अर्ब ४१ करोड ९१ लाख रुपैयाँभन्दा बढीको कारोबार भएको नेपाल स्टक एक्सचेन्जले जनाएको छ। १३ वटै उपसमूहको सूचक हरियो नेप्सेमा सूचीकृत १३ वटै उपसमूह हरियालीमा देखिएका छन्। सबैभन्दा बढी बैंकिङ समूह १.९२ प्रतिशतले बढ्यो। फाइनान्स समूह १.८२ प्रतिशत, हाइड्रोपावर १.६७ प्रतिशत, विकास बैंक १.५६ प्रतिशत,…

काठमाडौं । सुदूरपश्चिम विश्वविद्यालयको १३औँ सभाको साधारण बैठकले आगामी आर्थिक वर्षका लागि रु एक अर्ब ५४ करोडको अनुमानित बजेट स्वीकृत गरेको छ। प्रधानमन्त्री निवास, बालुवाटारमा प्रधानमन्त्री एवं सो विश्वविद्यालयका कुलपति केपी शर्मा ओलीको अध्यक्षतामा आज भएको बैठकमा विश्वविद्यालयका रजिष्ट्रार प्रा. डा. विनोद लेखकद्वारा प्रस्तुत बजेट र कार्यक्रम संशोधनसहित स्वीकृत गरिएको हो। कुलपति ओलीले विश्वविद्यालयको आर्थिक स्थितिलाई तन्दुरुस्त राख्न आग्रह गर्दै बजेट प्रस्तुत गर्दा यथार्थ चित्रका आधारमा गर्न निर्देशन दिए। साथै आव २०८१/८२ को नियमानुसार लेखा परीक्षण गराउन पनि उनले निर्देशन दिए।

काठमाडौं । संघीय मामिला तथा सामान्य प्रशासनमन्त्री राजकुमार गुप्ताले पदबाट राजीनामा दिएका छन्। हालै सार्वजनिक भएको ७८ लाख रुपैयाँ घुस लेनदेनसम्बन्धी अडिओ काण्डमा नाम जोडिएपछि उनले मंगलबार प्रधानमन्त्री केपी शर्मा ओलीसमक्ष राजीनामा बुझाएका हुन्। गुप्ताले सामाजिक सञ्जाल फेसबुकमार्फत राजीनामाको जानकारी दिँदै आफूमाथि लागेको आरोपको निष्पक्ष अनुसन्धान होस् भन्ने उद्देश्यले पद त्यागेको बताएका छन्। उनले लेखेका छन्, “विगत केही दिनदेखि मेरो नाम घुस डिलसँग जोडेर प्रचार भइरहेको छ। कहिले काहीँ नखाएको विष पनि लाग्दो रहेछ, म अहिले त्यसैको सिकार भएँ। अब सत्य तथ्य बाहिर आउन सकोस् भनेर सम्माननीय प्रधानमन्त्री समक्ष मन्त्री पदबाट राजीनामा दिएको छु।” गुप्ताले आफू प्रविधिको प्रयोग गरेर फसाइएको…

काठमाडौं । प्रधानमन्त्री केपी शर्मा ओलीले आवश्यक संरचना र पूर्वाधार निर्माणसहित मुस्ताङको कोरला नाका पूर्ण सञ्चालनको तयारी भइरहेको बताएका छन् । मुस्ताङबाट प्रतिनिधित्व गर्ने संघीय सांसदसहित स्थानीय तहका जनप्रतिनिधिहरूसँग गएराति प्रधानमन्त्री निवास बालुवाटारमा भएको छलफलका क्रममा प्रधानमन्त्री ओलीले सो जानकारी दिएका हुन् । यही असार २४ गतेको गोसाईंकुण्ड गाउँपालिका–२ मा आकस्मिक बाढीका कारण नेपाल–चीन जोड्ने नाका रसुवागढीस्थित भोटेकोसी नदीको मितेरी पुल बगाइ आवागमन बन्द भएकै दिन प्रधानमन्त्री ओलीले सो क्षेत्रको स्थलगत भ्रमण गरी वैकल्पिक मार्ग र नाका पूर्ण सञ्चालनका लागि सम्बन्धित मन्त्रालयलाई निर्देशन दिएका थिए । प्रधानमन्त्री ओलीले आफूले बेनीघाट–कोरला बाटो निर्माण सुरु गरेको, भारतीय प्रधानमन्त्री नरेन्द्र मोदीलाई मुक्तिनाथको भ्रमण…

काठमाडौं । बाढी पूर्वानुमान महाशाखाले ४२ वटा जिल्लाका नदीहरूमा पानीको बहाब बढ्ने र बाढीको जाखिम रहेको भन्दै सतर्क रहन आग्रह गरेको छ। महाशाखाले ताप्लेजुङ, सोलुखुम्बु, संखुवासभा, ओखलढुंगा, खोटाङ, भोजपुर, दोलखा, सिन्धुपाल्चोक, काभ्रेपलाञ्चोक, काठमाडौं, भक्तपुर, ललितपुर र आसपासका जिल्लाका नदीमा पानीको बहाब उल्लेख्य बढ्ने र आकस्मिक बाढीको मध्यम स्तरको जोखिमको उच्च सम्भावना रहेको जनाएको छ। त्यसैगरी इलाम, झापा, पाँचथर, तेह्रथुम, सिन्धुली, मकवानपुर, चितवन, नवलपरासी पूर्व र पश्चिम, लमजुंङ, तनहँु, कास्की, स्याङ्जा, बागलुङ, म्याग्दी, पर्वत, अर्घाखाँची, दाङ, सल्यान, सुर्खेत, दैलेख, जाजरकोट, कालिकोट, अछाम, बझाङ, बाजुरा, कैलाली, कंचनपुर, दार्चुला र आसपासका जिल्लामा पनि मध्यम जोखिम रहेको जनाएको छ। महाशाखाले नदी तटीय क्षेत्रमा विशेष…